طبع الردى يخبرك عن كاسب الطيب
و الجهل ضد أهل العقول الحكيمه
والصدق يظهر صانعين الاكاذيب
والبخل وضّح لك وجيهن كريمه
بالضد نقدر نفرق الصح والعيب
واهل المدوح وكاسبين الشتيمه
ناسٍ تقوم بوافيات المواجيب
وناسٍ على كسب الفشايل مقيمه
للمرجله دربٍ على الهيّن صعيب
يبغا لمن يمشيه صبر وعزيمه
من لا كسبها من قبل حزت الشيب
يرجع على الماضي وعادة حليمه
الذيب يتعلا بروس المراقيب
لكن شبيه الذيب ينحي الخريمه