من قبل لا صدر الزمن يزفر اخيار
شهقت حبك لين عطّر ثيابي
يا من ركع لك دمع عيني والاشعار
ما اظن كل الناس تجبر صوابي
الجود والعزة ووقفات الاخيار
تشهد لشخصك لين يوم الحسابي
ياللي غيابك ريح وموادعك نار
يحرق ليا هب النسيم بشبابي
ما اصدق انك ميت لو توحش الدار
حتى تهل الناس فوقي ترابي
بعدك جزر بي الف خنجر وجزّار
وانا ألملم بك بقايا عذابي
لا يا خلف راسي بيوم الزمن دار
اشوف بك جبري ومكنة صوابي
عساك بالجنة ومن تحتك انهار
تلقى بها عذب اللما والشرابي
من بعد ما صدر الزمن ينزف اخيار
شهقت حبك لين عطّر ثيابي