صباح ليكي حقيقي يليق
صباح عمره مابل الريق
صباح ناصب.صباح منصوب
صباح الكدب ع المخاليق
صباحك موسى وعكاشه
ولحاسين
الباشا
صباح منزوع صباح موجوع
صباحك كدب ع الشاشه
صباحك مش باينله طعم
صباح الخيبه لما تعم
صباحك زي أي صباح
وفرقت ايه قولي ياعم؟
صباحك طول ماهو بادي
بتسلم رجل وأيادي
هايبقى صباح أكيد راكع
لسي الفرعون يابلادي
صباح الكدابين لما
يقولوا الكدب بالذمه
صباحنا لما نتقرطس
ونصحى ونلبس العمه