لامن خذاه الموت ببكيه وانعاه
ولاني بناسي ذكرياته وماضيه
بطلب له الرحمه عسى الخلد مثواه
وعلى السراط الله يثبت خطاويه
ومع الزمن بخفي عذابي وبكناه
عن كل نمامٍ يحب المشاريه
الموت حق وكل نفسٍ بتلقاه
هذا قضى ربي على الخلق ممضيه
وانا عذابي والقهر والمعاناه
لامن رحل عني انا كيف الاقيه
حل الفراق اللي سمعنا بطرياه
وخلى عيون المشتقي دوم تبكيه
نذرٍ عليه ماش لونه وحلياه
ولافيه بين الناس شخصٍ يماريه
الجمر شفته ياعرب في شفاياه
والخشم سلة سيف من بين خديه
واليا ابتسم برقٍ تلالا ثناياه
واليا شبح بالعين يذبح مراعيه
ان كان طالت غيبته أأأه ويلاه
ياوين بلقا اللي لجرحي يداويه
المشكله ماهيب وشلون بنعاه
المشكله لامات بعيون مغليه