وقفي لو سمحتي بسألك لي سوأل
وبعد ما تسمعينه اذهبي لو تبين
ليه هذا المزاج الي يثير الجدال
يوم تصفين لي ويوم به تزعلين
راح صبري ترى ما ضل بي احتمال
إن ذهبتي محال لخافقي ترجعين
قالت أشك فيك وزاد شكي وطال
كيف أسيطر عقلي وقلبي الحزين
اترك الشعر لا تكتب بزاهي الجمال
كل شعرك مرقب لو تحلف اليمين
يوم تكتب من الي شاقتك بالكمال
وأنت تدري مكانك وسط قلبي مكين
أنت لو رحت مني ما بقى لي مجال
فيه أعيش الحياة وظيم باقي السنين
قلت بالله ما هذى الكلام المحال
يا معادل عيوني بالغلا عين عين
أنت عندي وشوفك راسخ بالخيال
ساكن في سويدا القلب بالضفتين