يا عاطف المضروب جنبه لا هجمنا ما هجم
إلا بتالي وقت ٍ اقشر تافهن مابه رجا
السّالفه ماهي خفا يندل منها المنّجم
معروفتن منذُ القدم تعلم بها سلمى واجا
اسْعيد عمّه قد غزا حدّر تحت ذاك الرِّجم
ماعوّد من الغاره الا في سْعيد ٍ انْفجا
ماخذ مكانه والشّليّه داخل ٍ فيها عِجِم
استنكر الزود وعلم بن الحرامي عرّجا
خلّك من اللي لانظر يوم الكريهات انْوجم
والله يخو خضرا يخلي دْميّغه يتدحرجا
الشّمس ماتُحجب وهي تحجب بطلّتها النّجم
والخيل تغزي بنورها وسبع القبايل تسرجا
النّاس من فيهم حليم يْعفّ عن ناس ٍ طجم
وايظاً بهم كلْ اهبل ٍ مع كل شر يْعجعجا
الشّر قفّا والعرب كلٍّ مع الوقت انسجم
النبْقَ والنّسرين نامي بينهنَّ العوسجا
العبْدَ يُقْرَعُ بالعصا وان كرّت الخيل ايحجم
ون حط راسه مع حرار ٍ طار عنّه مانجا
واللي انضرب جنبه هبا يهجم لمن مثلي هجم
نسرج كحيلات ٍ وهو ما يركب الا هودجا