يادارعلمني وقل واين راعيك
اللى بنى ساسك وعلا جدارك
يادار لو سجيت رجلي حواليك
من كثر ما أغلي بقلبي شعارك
ويادار جاوب صوتي اللى يناديك
يرجع صدى صوتي وطال انتظارك
لى عبرة ماكنها كلما اجيك
لاشفت بيبانك وقاسي حجارك
لي حق ازورك وانثر الدمع وابكيك
وحاورك لو ماترد بحوارك
يادار انا حبك ومن قلبي اغليك
لا تلوم رجلي كلما جاء وزارك
يادار وين اللى من اول حواليك
اللى مكبّر هيبتك واعتبارك