خل عنّك ما تقول وعطني قربك بالحلال
علني اجتاح عرشك ومالي أبقلبك شريك
بمطر أيامك سعاده وبفرش ألحافك دلال
وبحنان الغيد قلبي راح آلمك واحتويك
رح اطبطب راحيتنك من عنى شوق الليال
واهمس بأذنك يا روحي أنا جنبك ما عليك
خذ من الواقع وجودي خذني من دار الخيال
آه لو إني عروسك لنسى هل العالم واجيك
ولو سألني شيخ عنك إنت من بد الرجال
والله لبكي من لهيبي شوق وهمس له أبيك
والمهر لا هو بهمي لو دفع جيبك ريال
كافي انك مشتريني وكافي اني مشتريك
دبلتي بتكون وعدك والحقيقه والوصال
وطرحتي بتكون سعدك.. ليت تمسكها يديك
ولو بتلمس راحتيني فال عن مليون فال
وقد ما كاسك رواني راح كاسي يرتويك
بس اخاف الوقت يمضي وانا احسب للمحال
واللي يرحم والدينك لا تعلق قلبي فيك