مش هاكتبك تاني عشاني
إبقي اكتبي إنتي عشانك
الأرض مش طايقة مكاني
وبترفض اعرف فين مكانِك
الآه في صدري ان تجري منه
تكون أذانك
الآه في صدري ان تجري منه
الموت أتاني
الآه في صدري ان تجري منه
يادوب ثواني
لأ.. هاكتبك تاني عشاني
إنتي البصير وأنا ضبابِك
إنتي المسافر وأنا سرابِك
يا عش طيري مش أنا خرابِك
الناس هنا
بقوا فرحانين
الناس هنا
بقوا زعلانين
إنتي وانا
ألقانا فين
قاعد دموعي
نازلة كإن
جفوني ماتت
قاعد كإني
طالعلي سِن
في قلبي نابت
قاعد لكني
مش هنا
عمري ما سيبتِك
دي حبالي دابت.