من كثر ماهو عفيف
أبوي ما يلبس بشوت
يشتغل فلاح بأرضه
ويعشق أمي والرغيف
علمني قبل العقال
كيف أجازي الطيب طيب
وأحقر أشباه الرجال
قال لي حذرا تعيب
وقال لي حذراك تمشي
من مكان وما ترد الصاع صاع
وما ترد الطيب طيب
ينصحني: لو حاب سافر
لكن أعشق تراب البوادي
وأسفه احلام الكراسي
واحشم العالم وقدّر كل شخص بما تشوفه
وان وقف لك شخص مرة
لا تركي عليه وأنت ادرى في ظروفه
ومرت أسراب البلابل
والحمايم
جايعات
والسنابل خضرت من جود يده
يده الخشنة ولكن بها تفاصيل حياة
وللحين أذكر
فوق رمل البادية جالسين
صوت أبوي أكبر أمان
وضحكة أمي، ضحكة أمي أجمل من الياسمين
ودارت علينا الدنيا
للناس ضيم الوقت لكن
طبعنا طبع النخل نموت وقفة ما شكينا
لحفوني بالدعاء الي حفظني في غيابي
وهم رضاهم لي سعادة لو علي دام اغترابي
والله اني ما نجحت بشيء اذكر غير اني
مرضي الغالين في أول شبابي
ووين ما لديت وجهي
بالزوايا
والمرايا
ألمح أمي وهي تخبز في عيوني
ما بردت الا ملحفني دعاها
ولا غمضت الا مجديني ضياها
ولا وحشني شيء
كثر العيد لو مرني بلاها
أبوي مب لأنه أبوي
لكن يستاهل مديحي في جنابه
البسيط الصعب
مدهال المعزة
والتواضع والرحابة
من كثر ماهو عفيف
أبوي ما يلبس بشوت
يعشق أمي ويعشق الرغيف