بالعكس يابنت ماني مثل ماقلتي
أنا ترى عكس كل اللي تقولينه
ياللي علي باتهاماتك تطاولتي
ظلمتي إنسان وأنتي ماتعرفينه
ماني بقاسي مثل مانتي تخيلتي
اللي على النار رجله لاتلومينه
ياليتك بحكم القاسي تمهلتي
ياشين حكمك علي يابنت ياشينه
لو بعض ماشفت جالك ماتحملتي
حسيت أنا بشيء جعلك ماتحسينه
ولو قلتي أحاول أتحمل وحاولتي
لابد يومٍ يجي صبرك تملينه
وبالعكس يابنت ماني مثل ماقلتي
واللي جرحتي يجي يوم تعذرينه