الكويت تنادي بغيابك .. تعال
و آنا أكثر بالوله منها أبيك
ما يسرّ بغيبتك لي أي حال
منشغل .. تعبان .. بغيابك .. و فيك
و المصيبه مو تعب .. أو ضيق بال
ألاّ والله ب ( قلب ) اذّاني عليك
كل شي ممكن يكون ألا المحال
و المحال تلاقي عقبك لي شريك
مشكلة فرقاك أصعب من سؤال
حلها لي واللّي يرحم والديك
يعني لا تحرم علاقتنا الوصال
و لا تعلّق من مصيره في يديك
وعطني عاد الحل يا أبن الحلال
يا تجي .. يابآخذ الديره واجيك