أعجبك في كل شي الا الزعل
قلبي طول العمر عايش في سلام
لو تخاصمني أخاصمك بغزل
ولو تراضيني أجاذبك الغرام
أعشقك لاجيت وبعيونك خجل
وان بعدت الشمس فعيوني ظلام
وارتعش واحس بنظراتي وجل
كن بين العين و النظره خصام
لا تلوم القلب لو قلبي جفل
من يشوفك ينسى وش معنى الكلام
الجبين الورد والعطر النفل
والعيون السحر من خلف اللثام
لك حبيب الروح في قلبي محل
يحرسك يحميك من ظلم الغرام
ما يجيك الضيم افرح واحتفل
دام انا يازين تحملني العظام
ما يتوه اليوم من عني سأل
عاشقك معروف من عطر الخزام
لو يروح العمر باقي لي أمل
ألمس القمرى أراضيها وانام