تمتن علانا وانته اللي تبى تعتاش
بعد نبطة في راس زيزومك الفلقه
تبين ترى ماهيب لحية سرق وانحاش
ولاعاد تسوى عندنا قيمة الطلقه
أبوك انت بدري ياصغير على الرشاش
ولانحتزم لك غير بالعرق والحلقه
وحنا رجال العرف وصغيرنا بطاش
ولانحتقر غير اللي أيشوفنا شلقه
ولدنا طرف ثوبه على العز مايناش
وكلٍ يعرف احدوده ويحذر العلقه
والا يانديبي ضاريٍ بك على المغباش
تبين ترى اللي قدمك انفوسهم غلقه
تنقى وخلك واضحٍ مثل لون الشاش
وقل: مازمانا لين كلٍ نفخ حلقه
ضعوفٍ تبلى الشعر بالشتم والاوراش
تحدك على الشانات وافكارها قلقه
رقصله بليس المغرض التافه الغشاش
اله خمسة اشهر فارغ ايدور في حلقه
يقولون ليه الضبي راسه بدون اعراش
وانا اقول هذي دبرة الله في خلقه