يا ورد باب
الربيع مفتوح
والقمر كامل مكمل مدور
كل حبيب يشوف حبيبه
جايز يكون الحبيب متعور
أشم نسيمك يا ورد أستوي
واقعد على حيلي وأتدور
واسبح في الحلم صاحي
وأرفرف فوق الشجر وأتنور
أنا عارف سكتك يا ورد
سكة توصلك وسكة تتعور
إياك تكون فاكر بكرهك
اللي يكره حبيبه يتغور
حطيت في الفراغ حرس
خايف لتمشي وتدور
أو يضحك عليك الغيم
ويقلك المسا ها يطول
أبداً ورب السما والأرض
ما يبقى اللي بينا قشور
ولا يبقى كلام الليل زبده
وأول طلوع الشمس يسيح
حلفت في نفسي قسم
وقلبي ساعتها دق الطبول
وملتني السعادة فرح
وأول فرحتي نذرت نذور
ليه يا ورد تقبل أنجرح
وأعيش عمري أتكوي
ويموت نسيم قلبي
وأصبح جسد فيه الضمور
سقت عليك الله والنبي
ما تسبني أعيش مقهور
ولا أقضي حياتي ضنا
أو بين الحيطان معزول
يا ريت أقدر أجيب الدوا
ويشفى قلبي من وجع الشعور
ولا توجع قلبي بفرقة
ولا أسمع نعيق البوم
حرام يا ورد تضيع عمرنا
وجايز يكون للعمر طول
أنا كنت خالي وخالي
مش قادر أقول مسئول
يا ورد أفتح عينك للربيع
وإياك تخاف الشتا
اللي بيني وبينك شرحه يطول