واحلف بليل الوجع
والآهه كاوياني
مايوم جبينك يقع
ف الأسر من تاني
لو حتي كان التمن
جرحي وأحزاني
سألت ضاربة ودع
عن عشقي وهوايا
قالتلي فجرك طلع
نور لي في سمايا
اسمع كمان ياجدع
فيه باقي ل حكايه
عاشق ودايب هوي
والحلوه تستاهل
واللي يريد الدوا
مايكونشي بالساهل
هاتعدي سبع بحور
وتقابل المارد
تحرر المأسور
ترجع بُه وتعاود
مهر الحبيبه ياواد
وتقدمه هديه
حبيتتك ام البلاد
والمهر حريه