ما على الدمع شرهه تدري انه يزينك
تدري انه على خدك يزيدك جمال
لا تخالط سواد الكحل مع دمع عينك
عظّم الله أجر النور ويا الهلال
زين و الله ..جابك في طريقي حنينك
ودي ألمس كفوفك خايف إنك خيال
طاول الهم عيني من عمايل يدينك
همك لحال و هموم الليالي لحال
ليه يعني خسارة لا سقتني يمينك
من عرفتك و لا أدري ويش طعم الزلال
رد روحي عليّه رحمه لوالدينك
ياخذ الله طبعك كم تحب الدلال
انت حاليك ربي كل ما أبطت سنينك
انت تكبر و تكبر معك حلو الخصال
أدري انك مع غيري و أنا أقول وينك
و أدري انك كثر قربك بعيد المنال
ما على الدمع شرهه تدري انه يزينك
ليت ربي رزقني فيك يا ابن الحلال