يمه حنيني ب المعاني يناجيك
لا من كتبتك ب الغلا ياغناتي
يمه ورب الكون محدن يساويك
يانور دنيايه وغاية مناتي..!!
فيك العطا الي جامعاته اياديك
شوفك سعاده ساكنه وسط ذاتي
ويش الحياة اليوم بليا مواريك
وانتي غلا روحي وكل اُمنياتي
انتي هوى روحٍ تحبك وترجيك
من وين مالديت شفتك جهاتي..!
ملحق لك الافضال لو قلت بوفيك
ي ام الحنان الي رسم ذكرياتي!!
فضلك تعلى واعتلابك ب عاليك
حتى غدى مزن السحايب نشاتي
اخايلك بالشوف يمه واناديك
يارحمةٍ عمّت عطاها حياتي..!!!!
قال الحبيب المصطفى يوم يعنيك
امك ثلاثن ب الرضى قايماتي..!!
من كبر حظي يوم انا اقول لبيك
نادي..؟واجيلك ناصيٍ ل المماتي
ثم اطلبي كلي فدا وطي رجليك
ياجنتي هذي سماتك سماتي..!!
الله يبلغني رضاك ومشاهيك
يانور دنيايه وغاية مناااااتي..!!!