حيا الله اللي عاشقا للنواميس
بن عمي اللي كل قمة رقاها
بوعارف اللي دارس الطيب تدريس
اللي علوم أهل المراجل حواها
يا ولد خامسنا كبير الخواميس
اللي عليه الناس تبدي ثناها
بو حامد الونعم بكل المقاييس
اللي حصون الطيب شيد بناها
تشهد له الأحراز وسط المجاليس
ونحن بفعله نفتخر وانتباها
عسى مقره في علو الفراديس
ويزوجه ربي من اجمل نساها
وحي البيوت اللي زهت بالكراريس
أبيوت شعرا عاليا مستواها
من شاعر صاغ العبارة بتقييس
ماهو بناطق كلمتن ما وعاها
إليا توحوه الرجال السناعيس
في وسط مجلسها وفي منتداها
اثنو على قوله بعاد المراميس
والكل أشاد بكلمته ومعناها
ونكان تبغى الصدق من غير تدليس
هذي القصيدة طاب لي محتواها
وتحركت عندي جميع الهواجيس
والذاكرة قامت تفاعل معاها
ثم قمت اسطر فوق بيض القراطيس
عذب البيوت اللي تناغم صداها
اكرس أجهودي للأشعار تكريس
حتى تنال إعجاب منهو قراها
عندي دراية بالكتب والقواميس
واكثر عباد الله عرفنا لغاها
ومشيت بقدامي عسير التضاريس
يومن غيري قادمه ما وطاها
واسلم وتبقى يا ربيع المتاعيس
في مبتدا ابياتي وفي منتهاها
متذوقاً للنادرات
حيا الله اللي ساق لي عذب الأبيات
أبيات شعراً تتسم بالفخامة
متذوقاً للنادرات الجزيلات
والطيب مولي له جميع اهتمامه
ويا بو معاذ إن كان تبغى الوناسات
قم دق سلف الجيب واربط حزامه
وتخير امن أهل الوفاء والمروات
اثنين معروفين بالاستقامة
قرمين يفدونك نهار الملاقات
وبروسهم شيمة وفيهم شهامة
لرسلتهم ما قصروا في المهمات
تلقا بهم شدة وتلقا صرامة
ثم انهجو يم الديار البعيدات
الواقعة بقصى سواحل تهامة
اراضياً صارت حدايق وغابات
من كثر ما صبت عليها الغمامة
وليا وصلتو يا رجال الشكالات
وأرجو عساكم تاصلو بالسلامة
ثم اقضو اجمل ما قيضيتو من اوقات
ما واحدً يطري عليه استلامه
في كشتةً تسوى ثلاثين مكشات
لا قيموها نالت اعلى علامة
يا راعي الكلمة الجزلة
حيالله اللي بيوته مثل عذب الزلال
يا مقدم اهل الشهامية ويا شيخها
مثلك نعده ليا جا للمدايح مقال
وأهل التفاهات نسترسل بتوبيخها
وأقول يا مسندي والقول مابه جدال
اصقور الاوكار ما يختل تفريخها
وان عودت للمواجه واللقاء والنزال
اخصومنا نستطيع اليوم تدويخها
والنوق يامسندي ماهي بمثل الجمال
واقول بعض الاباعر سهل تنويخها
لاشك عندي سواليفاعراظ وطوال
لياطرت للعرب. تصعب على ذيخها
واسلم وسلم وتبقى ياكريم السبال
ياراعي الكلمة الجزلة وياشيخهايامرحبا
يامرحبا بك يبن ساري ولك من صفر الدلال
فنجال بننا فيه حبات العويدي زايدة
شرفتني بمعايدتك اليوم ياجزل المقال
ياللي ليا نشت ماترمي يكون القايدة
ابوك. ساري راعي الفزعة وزيزوم الرجال
شيخا يروس القوم وايدينا دوام امعى يده
الله يديم افراحكم وسروركم طول الليال
والله يجنبكم صواديف والزمن وشدايده
واسلم وتبقى يا فهد وتعيش يا قرم العيال
يا راعي الجزلة ويا راعي البيوت الرايدة
ياولد خالي كلما ضاقت النفس
والوقت كشر لك بوجها عبوسي
قوم اذكر الله خالق الجن والانس
اللي بذكره تطمئن النفوسي
لابد ماتدرك وتستوعب الدرس
حتى تفيد امن العبر والدروسي
والغيث لامنه نزل ينبت الغرس
وبناظرك تزدان كل الغروسي يا مرحبا
يامرحبا واهلين والله يحييك
أعداد ماغنا القميري على الراك
واعداد ماتصبح وتمسي مماسيك
واعداد ماتركع وتسجد لمولاك
ياالوافي اللي ماندم من يخاويك
ياراعي الفطنة وياراع الادراك
الشايب اللي بسم سامي مسميك
الله تعالى وفقه يوم سماك
والله يعيد العيد واجيك واتيك
واعتز يالمطنوخ وافخر بملفاك
واقبل تحياتي عسى الرب يبقيك
يالوافي اللي ما تعدد مزاياك