المحبة للوطن
ما هي علم مرفوع
ولا حدث مصنوع
ولا مجرد عذل ..
المحبة بذل ..
وألف دعوة
في ظلام الليل تقفز
من هدب جايع
ومن حشى موجوع ..
كم وله فالقلب جمّر
كم وله فالقلب ذاب
وكم وهم فالبال سمّر
رمش ..
والبلقع سراب
الوجع مهما تنمّر
ب الف مخلب والف ناب
لا تعاف ولا تذمّر
للأمل ، مليون " باب "
يرتفع لليل نجمة
والعتام يضيق حجمه ..
وينفتح مليون باب ..
خذ من احلامك سلالم
ومن سلامك ، قلب حالم
وحبة .. حبة ..
وزي ما انتا حاب ..
ترتقي
لين المحبة
وينتشر صبرك سحاب ..
وان فقدت اللي تحب ..
عشت معنى الاغتراب ..
كن ما فوقك سما
وكن ما تحتك تراااااااااااااب ..