وليه تِحْلِفْ وليه تِخْلِفْ
عشان درهم يزيد عشرين
وليه تهرب وليه تضعف
واجهني هسامح المسكين
كلامي حقيقه وهتعرف
ستصبح يوم من الخاسرين
تلاقي الشوكه وهتغرف
هتشرب يوم من الغسلين
فعالك واطيه وبتقرف
كقيئ الكلب والمجانين
ونهجك أكل في المَعْلَفْ
وعرفك كُسْب للتسمين
لبيب في الكِدْبَه والمَصْرَفْ
حياتك كام هتخدع مين
بلاش تِدَّارى في المِعْطَفْ
سلوكك بَيِّنِ الخاينين