يابايع الموت دل الموت لأقدامي
ماعاد لي في دنيت الناس حاجيه
أضنيت من همي، من كثرة أحلامي
ياليت مالي طموحٍ يكسر ايديه
أتعبتني ياحلم، وانا انسان مقدامي
أطرد ورا حلمي لو انه سم في حيه
أعوام مرت وأنا مرهون لأحلامي
يارب حلمٍ تعبت أصوره ليّْه
أشقاني الموج وضعف المركب أشقاني
وأنا ع الحال أوضاعي تجاريه
ياخذني الحزن كان الشوق ماجاني
وياخذني الشوق من احزاني علانيه
مابين فكين الحياة اليوم تلقاني
يارب منجي خليلك خذ بيديه
انا الغريب الي عاش وحداني
وان كان ناسي من اجهاتي وحواليه
هي غربة الروح ماهي غربة اعواني
جرح وسط قلبي ضلوع القلب تخفيّه