هايم ف البيوت يوزع خير الحليب دفا
مزماره طايح ف المدى مفزع تعابين المكان
فى إشارة مرور خضرا جماعات الأفيال الناس
تحك ديلها ف الرصيف تدوس نضارته ومزماره
وتندم بحسن نيه
يبقى حق الأتارى يفوت يعمل زفة بيب
بيب
مش نضارة عمر المختار
ف نهاية الفيلم.!
جارر بيده معزه منحوله
يتكفى على وش الأرض
وش النحس
يتدلدق حليب غضبان يفتش عن طاقة
يتفزع وبإ صغار الحلم من بيب الأتارى
ويقفل إزازه دوا على نفسه
ما تمديش إيدك بأقشعر من نعومتهم
ما تركزيش فعنيا مش قادر أشوفك
مش
قادر...