مايقهرالرجل ويمشيه مثل الكسير
يكون وقفت رجالٍ ماتهقوا بها
كان يحسبهم حزامه عند برد وهجير
ذخيرة أيامه اذا حدّت أنيابها
ثم أخلفوا هقوته في صبح ولا عصير
وهم بالسوالف رجالٍ تفتل اشنابها
ياكثر من بالمهايط يقبعون الهدير
وأن جات دكات بقعا صكت أبوابها
كم واحد تحسب أنه للوازم جدير
لاتنخدع بالبشوت ولمعة ثيابها
الديك مثل الطيور بريش لو مايطير
والفرق بين الطيور بفعل مخلابها
والله يديم الرخاء والأمن حنا بخير
ماعاد تفرق حصانيها عن ذيابها