عينه على شعبه وقلبه على الدين
منزل بلاده ساكن ٍ في فؤاده
حكم العدل ماهوب حكم القوانين
مشّى الشريعه في مناهج بلاده
على الصراحه قام بالعسر و اللين
مجد ٍ عليه من المعالم شهاده
وسّع حرم ربي لكل المصلين
لا شاف مشروع ٍ على الخير زاده
و النهضه اللي بين يوم ٍ و يومين
تنفيذها راسه و حكمه عماده
له أمة الاسلام جمعا موالين
على الهدى و الرشد عزم ٍ وراده
فضايله مثل الزهر بالبساتين
يضحك بها وقت ٍ شديد ٍ سواده
الحب راس ٍ بس حب الفهد عين
و حبه لشعبه راس مال السياده
لصراحته في كل حال عنوانين
حر ٍ و صاد المجد بأول هداده
الله يظلل به على شعبه سنين
نطلب له اللي ما يخيّب عباده