شعوري تجاهك مثل عاصف وخلفه سَيل
شعوري تجاهك مثل جَمر السَمر يِحرق
شعوري تجاهك يوم غَيبت قلبي ليل
ويوم أوصلك كالشمس في دنيني تشرق
شعوري تجاهك يا حبيبي يِهد الحيل
مشاعر محبة كلما اتكاثرت تِغرق
احبك ولجلك كم سرى القلب درب الويل
ولا غير وَصلك لي مُنجي ولا مُعتِق
أعد النجوم ٱسهر وليلي أكيله كَيل
وعيني سحابه ماطره بس ما تِبرق
وحرفي قصايد والمدامع بتجري غَيل
وقلبي كتاب أسرار ما يعرف المنطق
وبين الحنايا نار تِحرق دلال الهيل
وفي خاطري فارس على الخيل متبندق
يحبك بحسب العهد قايم ولابه مَيل
وهجرك وصوب النار يا زين ما يفرق
فقرب أنا المشتاق لك طِير مثل العَيل(1)
ورَوِحْ لعُشك قبلما عاذلك يِسبق
أنا يا الثريا سرت لك مثل نجم سهيل
قدرنا سوى والقلب بالقلب متعلق
عيونك لها غمزات ترمي لظى وِجِليل(2)
تقطع عروق القلب فى الصدر وتمزق
أنا لك وعمري لك وفي العين أشيلك شيل
وضمك بأحضاني وٱشف اللمى وٱطبق