قابلت محمد ابو خالد حزت عصير
اشلونك يا ابو خالد وكيف حالك
بنبرة حزن يا عساف ماني بخير
واكيد العلم اللي صار جالك
خير يا بن الحلال اشغلتني تفكير
عساه ما حصل شي في عيالك
قال ابد بس للحين اقصانا اسير
القبله اللي تفدها بنفسك ومالك
وجت حرب الفصائل زادت التدمير
الاخ يقتل اخوه والشامتين عذالك
القلب زادت جروحه من اللي يصير
وخلاص يا قدسنا راحو رجالك
راحت ايام عمر وعلي والزبير
ورحت يا صلاح الدين بعزة نضالك
ضاعت هويتنا ورضينا بالتهجير
من بلاد لبلاد تشد في رحالك
وين راية الجهاد وينك يا الامير
يا جيش العرب وين هي فعالك
يوم تنقل التلفزة صرخة عبير
واااااه معتصماه وين نلقى امثالك
لا صاحت المسلمه بك تستجير
جهزت الجيوش وتاريخك حكى لك
نبي الفرسان ترقى على خيل وبعير
وخلك مستعد بالسيف ونبالك
نادى يا اقصى البشرى بالتحرير
وتفنن بضرب العدو وريهم قتالك
سوي سوات الغامدي بفلاديمير
ولا ترحم المحتل لا شفته قبالك
وانخى بالعربان بني تميم المغاوير
وعيال وايل وعتيبه وباقي خوالك
وشجعان يام والقحاطين ومطير
خيرة الفرسان عن يمين وشمالك
والنعم في باقي العرب وامة التكبير
اللي في توحيدها يا اقصى استقلالك
قول الحق لو عقبه رقاب تطير
ولا تهاب الحقيقه لو اخرها اعتقالك
يا اصحاب الفلسفه اتركوا التنظير
عن قولة اسكت هذا مو مجالك
هذي الامور من اختصاص الوزير
وحضرته مشغول باللي بالي بالك
عطني اذنك عندي لك سر خطير
ترى سعادة الوزير اهتم لسؤالك
اجتمع بمستشاره لتحديد المصير
وعقب اجتماعه مو فاضي لاشكالك
عنده قضيه مهمه ما تقبل التاخير
اسهم البورصة اللي تضيع اموالك
وانت اللي حاسبها مشكلة كمشير
عيش بالواقع ياعمي وانسى خيالك
هذي هي الحقيقه من غير تشفير
واضحه للعلن انت وش حسبالك
بكيتني يا ابو خالد بالدمع الغزير
صدقت وانا اخوك بكل اقوالك
ربي يجزاك خير على التذكير
ويحرر فلسطين ويحقق امالك
ينصر المسلمين النصر الكبير
وامجاد من سلفنا تعيدها اجيالك
وعسى شارون واتباعه للسعير
بلعنتن تلعنك وتقطع اوصالك
يحشرك ربي مع بوش وبلير
وعسى يا كل عميل الجحيم فالك
ابختم كلامي بشطر البيت الاخير
الله يذله يا اقصى من اراد اذلالك