ابكتبلك رسالة حب
تعبر عن عذاب القلب
قصيدة شعر تحكي لك
ألم روح تناديلك
نسيتيني … تركتيني
في ليل اليأس واقفيتي
أهيم بعالم الأحلام
أدوّر للهنا قدام
يصير أو ما يصير ألقاك
ما دامي ما قدرت أنساك
ولا انتي ذكرتيني
وفي هجرك تماديتي
أماني العمر … يا أغلى الناس .. كان انتي
عذاب وصبر … وشوق وياس .. لكنك تجاهلتي
أناديلك قهرتيني
ولكنك سمعتي صوتي المبحوح وصدّيتي
جرح مشتاق لقيا بعد غيبتنا
ألم وفراق سميتي نهايتنا
وأنا اردّد نسيتيني .. تركتيني
في ليل الياس واقفيتي