انشد عن الغربة وربعي بعيدة
رحلة عمل عامل يدوّر رزاقه
يا الله ياللي من تميته تعيده
وتردّ في روحه عظامه وطاقة
سهّل رجوعي والهمايم طريدة
طرد الحواري فالمراعي لناقه
صهريج ربعي عند قلبي وريده
يسقي حنيني يوم تنشف وراقه
"تخنقني العبرة" وساقي قميده
والهمّ ليته يرفع النا رواقه
ويدخل على قلبي علومٍ تفيده
مثل الدواْء لو كان يشفي الإعاقة
حالي على الغربة قويّه صميدة
لكن حنيني قد تفجّر غلاقه
يمقسّم المِعلاق قسْمه عديده
وحطّ لي قلبٍ معاند فراقه
الغربة صعبه والصعايب شديده
ي الله رجّعني وهمّي شواقه
تبطح فأشجار العنا والبليدة
من يوم ما رحْت أنا في حراقه