غربة ديارى أصعب من غربة المسافات
فى وحدة بايت وصاحى ليلاتى زى ما ابات
قلبى الحنين تعب والحمل بيكيل
ميل دا مين يسنده والعمر ولى وفات
شايل هموم الزمن يا عمرى يا قصير
دايرة بتطحن ما ترحم كبير ولا صغير
فى عينى عاصية الدموع باكى على حالى
ومهما حالى اتبدل ابدا ما هتغير
دى بلادى عندى الحياة بمعنى كلمتها
فيها الصديق الوفى والعيلة فرحتها
الصحبة والخلان بنات مع الصبيان
لا ليلة غابت ولا قفلت فى يوم بيتها
يا مصر ده انتى التاريخ شاهد على مجدك
ساحرة قلوب البشر بهوكِ مين قدك
عاشق ترابك أنا ومهما صار فيكِ
إوعاكِ لو تحسبى إنى أخون عهدك
عهدك بدمى انكتب ع السطر فى الكرّاس
لا يجي يوم يتمحى ولا مرة تنسى الناس
إن الشرقى أرتوت دم الشهيد فيكِ
وفيكِ راح يرتفع، المجد فوق الرّاس