زيد صلي
على محمد
يا الهايم تايه مضيوم
يا الحاير فخلق الله
باش ماتبقى مهموم
زيد صلي على محمد
يا التايب من ذنوب شلة
وامطهر دروب الغد
باش تخلق من بدا وجديد
زيد صلي على محمد
يا الطامع في رضات الله
يا القايم لصلاة وسجود
يا العاشق سيد الوجود
زيد صلي على محمد
يا الغادي في بحور الشوق
باش الحياة ليك تروق
وتعلي روحك الفوق
زيد صلي على محمد
يا المكوي بنار الحب
نار ديما شاعلة في القلب
إيلا عزمت تخطى لحدود
زيد صلي على محمد
يا الواله سو حالك
محبته ماشي بالفم
والصلاة عليه ماهي بالكم
زيد صلي على محمد