ياللي تقول ارفع قصيدك بالأصوات
(لو تعتني) بالشعر قلت أدري أدري
الشعر ماخذته وسيلة وغايات
مجرّد أفكاري تزاحم بصدري
ما همني نشر الصحف والمجلات
لا منزلٍ قدري ولا زاد قدري
ولاني مزاحم لجل نور الفلاشات
تركتها من سالف الوقت بدري
الشعر ما قلته لكسب الريالات
ولا بنيت لصنع الأمداح جدري
ماني من اللى يصنعون الدعايت
بعض المثايل مثلما قيل هدري
والحمد لله الخلاق رب السماوات
على قصيد المدح ما فاح قدري