( بهذله وستر وعفاف )
الغرفة فوضى ..
كاسات شاي مرمّية
علبة سجاير ... وادوية
والورق يملا المكان
وكان
يكتب على الجدران :
( لايسلم الشريف الرفيع من الأذى )
ولاغالب إلاّ الله وادري إنّي قوي
وسعال شايب منزوي
وكتاب منزوع الغلاف
( وبهذله وستر وعفاف )
لاتمدين السماط ..
لاتمدين السماط ..
بالله من له نفس ياكل ؟
من وين ابلقاها ؟
فاتورة الهاتف ؟ وإلا ايجار البيت ؟
وإلا الثمان أقساط ؟
يستحلف الأشيا الصغيرة بربّها
وبنت تورّط حبّها
من قبل عام
لو تتركه ساعه ينام !!
( نام نام .. واذبح لك جوز الحمام .. رح ياحمام لاتصدق
بضحك عا نفسي تا تنام )
يعني صحيح !!
هذي الصحاري سلمت أمرها للريح ؟
والأرض ماعادت سكن يصلح
ولاحتى ضريح ؟
ياخي أحس بحزن جارف
ودي لو مره أجازف
واستريح ..