وانتهينا
ابتديتك مادريت انه بيجي يوم وانتهيك
اكتفيتك ولا بغيت بالدنيا غيرك شريك
مارويتك رحت مني قبل ارتويك
ما جبرتك انت اخترت نهايه تليق فيك
عطيتك قلبي ماحسبت حساب ل تسليك
توقعتك معي وافي وتغليني مثل ماااغليك
حاربتك و حاولت ابعد بس اضعف واجيك
حبيتك و حاولت بشتى السبل اني ارضيك
ارضيتك لين الرضى مل من كثر مااعطيك
اغنيتك و ماتقدر تنكر اني كنت شاريك
سميتك عديل الروح ماهقيتك لها الهليك
وشفتك تتعالى علي تحسب مااقدر انهيك ؟
انهيتك اليوم ولا علي خلاف ولاني محتريك
ضيعتك ؟ لا والله انت اللي ضيعتني من يديك
فرصتك كنت و الفرصه بالعمر مره تجيك
اعتزلتك و على قول المثل اعتزل مايؤذيك
تبتك والمؤمن مايرجع بتوبته لو انه يغليك
تركتك برضاي و لاني بندمان اني مجافيك
جزاتك اللي صار و اكثر رح ماني مناديك
فعلتك ماتنغفر و ظلمك الله عليه يجازيك
نسيتك من هاللحظه و دعايي اني ماالاقيك
بكيتك و هذي اخر دمعه تنزل عليك
وودعتك ابمشي ماعاد بي شده ارتجيك
خسارتك اعدها ربح لذاتي ولا بهالشي تشكيك
وانتهينا