البارحه مابين همً ودكاك
حالي صعيب ولاحدً سر بالي
جتني همومي كنها سلاح فتاك
ولافيه هم البارحه ماطرالي
تجمعت منا ومنا ومناك
دكت على صدري وصدري شمالي
ياقلب ياللي لريش العين ننهاك
عنيتني ياقلب واتعبت حالي
نوبات اقول العقل والقلب يفداك
ونوبات احس اني من الشوق خالي
حديتني ربي يحدك على اقصاك
صرت اختلي دايم ودوج لحالي
المشكله يازين من يوم شفناك
والقلب يمك راح شد الرحالي
ودي على شوفتك واقول حياك
حياك يالي تقلب المر حالي
لا يابعد من قال لابد ننساك
انسا جروحي لاعبرت بخيالي
والخاتمه ودي لشوفك ولقياك
واخاف لايصبح حرام وحلالي