غني يا حلوة وانشدي
صوت المحبة هالندي
بلكي خطرلك بالهوى
عهد الغرام تجددي
والحب أحلى من العسل
بيعيش ع وهج القبل
روحي اسألي عنو الحجل
بيقول صح اتأكدي
حبك ملا كل الدني
قدام قصرك بنحني
انت مليكه مسلطنه
بتاج العشق هالسرمدي
وسهام عينك بالحلا
ترمي وأنا سبع الفلا
عفت المرجله بأولا
لما سهام تسددي
ولو غاب مره هالنظر
عنك يا صفحة هالقمر
بيدق ناقوس الخطر
ولصوب وجهك بغتدي
وعني اسألي نجوم السما
آهات حبي بتعلما
بتحكي ع دربي بالوما
بلكي ع بيتي بتهتدي