إخوانية بين إبراهيم المجلي
وعبدالرحمن المجلي
قريت شعرك.. وأعجبتني قوافيه
وأوقفني المعنى وشد إنتباهي
نظمك سليم وواضحات معانيه
مستقبلك في عالم الشعر زاهي
أبدعت في تصوير همٍ تقاسيه
لا شك بقعا.. جرعتك الدواهي
وكتمت همك عن عذول تماشيه
من ناظرك ظنك عن الحب ساهي
قصيدة امي نصف.. والنصف باقيه
وباقيه يعدل كل.. والنصف راهي
وراعي الجزيلة بالجميلة تجازيه
شيخ القبيلة أفتخر به وأباهي
قلبك كبير وواسعات معانيه
أكبر مصيبة عندكم شي واهي
إبراهيم عبدالله
المجلي ابوفارس
وقد كتبت له هذا الرد.
حيثك يا بو فارس تثمن معانيه
وانا بطيبك ياعضيدي أباهي
أحرص على رمي الهدف خايف اخطيه
أبي إلى قالو
يقولون ناهي
مشاعري ماهيب زيفٍ وتمويه
تصعب على اللي يم دنياه لاهي
اشرب زلال الدهر حلوه وصافيه
وأحتاط من ميلاتها أم الدواهي
وأدور النشمي وأعزه.. واباريه
لاشفت فعل الطيب شد إنتباهي
مثلك يابو فارس ..عسى الرب يحميه
قوله وفعله في المواجيب راهي
وأجنب الضايع ودربٍ مشى فيه
أخشى يدنسني.. وأنا عنه ساهي
واللي يبي العليا يحفر مراقيه
ودرب الشكاله مايبي شخص فاهي
عبدالرحمن بن عبدالله المجلي
راعي مرات