رحت يعني وقلت عدوا
اتفق كل اللي غابوا
يتقلوا ف السؤال
هو انت من امتي
بتحط احتمال
ابقي من غيرك جدع؟
صدقني مش موضوع وجع
ولا هو كلام فاضي
مش اي حد بتعشقه
تقدر تسميه ماضي
كان لسه باقي كلام
والحيين بس بيتلاقوا
قولي صحيح اخر قصيده
بيوحشوك زيي اللي ماتوا؟
اخر صوره شايلها ف بالي
مشهد عمر عمال يتكرر
افرض مثلا جيت علي بالي
قلت ازورك مثلا مره
مين هيرد عليا بدالك؟
مين هيضمني لما يشوفني
مين هيقولي بوسه لخالك
مين دا عارفني بكل سهوله
مش محتاج رد لمالك
كل مواقف حيه مابينا
واقفه بتتصعب علي حالي
نفس سيناريو لمشهد بارد
نفس الجاكيت
ووقفتي من غيرك
نفسي ف جمله
تكون علي قدك
علشان ابدأ اعرف احكيلك