الصيام تقوى وعزيمه
مش مسلسل للئيمه
الصيام مصحف ومسجد
نشر أخلاقنا الكريمه
الصيام تنهض تساعد
مش تحرّش بالنميمه
الصيام رحمه وتكافل
مش تَفَاخُر ف الوليمه
والقيام فيه الجوايز
واللي يخشع يبقى فايز
يا اللي طالب واللي عايز
يلّا سارع وابقى جاهز
ليله فيه دا بألف شهر
خد نصيبك م الجوايز
ادع ربك أدِّ فرضك
تِرْقَ روحك فوق غرايز
يا اللي جرتم ع العقيده
الصيام منحه وفريضه
جَيّ يهذّب نفس حيّه
بالتقى يِصْلِحْ مَرِيضَه
الصيام له باب في جنه
للي يهْزِم في البغيضه
الصيام تقوى وعزيمه
مش لغيبه أو نميمه