سميت بالله من ياني الخبر جدام
منهو الذي شيّد حكمته واستوتْ
انته يصاحب هاتلي خبر وعلام
ولاّ تباني عن يوابهم اسكتْ
سرنا ونظرنا في حكم السنه والعام
جينا حكمنا عالسعادة والبخت
جينا الكتابه من حروفٍ تراها انْظام
هيش الكتابه اللي من احصاه اندرت
وباشهد انه غلَّق في الظمام
وبْعدها غنيمة يومن محدّ اجتلت
اذِيه سُواته فعذْبات الوشام
لبّق بناره فيها ولا ظني انْطفت
واذيه سُواته هذاك الغلام
من خان دينه مب ظني دينه ثبت
يوم ثار يكبر وانتهى خلف الامام
تسمع صهيله كنَّها صمعا انقعت
خلا بنتحاكم ونمشي عند الامام
لاْنتوا مكرتوا بالشهادة واثبتت
صَروها عليكم ماظني على الغشام
الياهل غنّى فيها والعاقل سكت
ولّا تبونا نشد ونعزل المقام
بينّا وياكما قمرا والشمس اقسمت
ولا تبونا نحلِّق مع طير الحمام
مع الثريا والنجوم اللي ازهرت
ماشي علينا جود ولا يحتّ ارثام
ماشي علينا جود سحاب امطرت
غابت نهور الديره من كانت عليها اسْمام
غابت وغابت عنا فالارض انطوت
وواحد منكم سافر في بحر الظلام
من شيفته سبعة مراكب ياللي طبعت
يعقوب يبكي من فرق الولد يوم شام
انا بكايه دينن مبيوع بقلط
الدين واجف بسيوفن تراها اهذام
من حس سيفن منّه الارض ديلت
تايب يربي في ليلةٍ وسط الصيام
في ليلة فيها الملايكة انزلت
تايب ياربي من حريشا لِلحزام
وتمّ نذري عنّه الخيل اوقفتْ
تايب يربي من راسي ايلين البهام
هي توبةٍ داخل ضميري ارتمت
وتايب يربي لين الحشر واقيام
ايلين امّا روح الاوادم سُيرتْ
وصلوا على نبيكم سيد الحكام
ياللي الكفر اعلى يمينه واجهت