ياغلا وشلون أببدي / وأنتهي بك ياغلا ..!!
وأول الشعر بوصوفك منخجل لين آخره
بجمعك داخل خيالي عشق / يسوى له .. ملا
وبنثرك مثل السوالف لأنتهت متناثره
يووه ياحبك بقلبي / يوم شّرف وإعتلا
بالضلوع اللي لحبك / تحتريه وناطره
لعنبو جوف تجينه مايهلي بك .. هلا
إقلطي باأرضه ( أميره ) .. وإستحلي سايره
وأرحبي بين الحنايا / لاعدمتك .. أو على
عرش قلبي .. مرحبا بك / ناهيه والا مره
وإنْ تضايقتي بصدري / شدي رحالك إلى
عيني اللي منك دايم .. كل ليله ساهره
رجعّي معني الحنان لشاعر .. ماقد سلا
ماله الا ليل شعره / لاتضايق سامره
قبل مااعرفك وأنا اللي مجتمع فيه البلا ..!!
ومن عرفتك .. والمشاعر في ( حنينك ) كافره
ماتت الضيقه بقربك / وكل أبو همي جلا
ولايشابْهك بحضورك .. غير سحب ماطره
ماحد قبلك فتني صدقيني .. لا ولا
بعدك بيفتن شعوري / من هناا للآخره
ولاأبي غيرك صداقه / ولا أبي حتى زملالأنك أصلاً / وبصراحه كل شي بك حل
وفوق هذا / ياعيوني / فوق هذا / شاعره