يا لامس الجمر من برد الوصل لفه
وانته من العام تشكي الجرح وتنادي
لا تطلب أيزيد جرحك واطله العفة
واشد جرح يوجع جرح لفؤادي
متى يفوح الحنان وعلمي بوصفه
انه شعور خفي لهل لودادي
والشي لي فاح كل الناس بتعرفه
والناس حد مودٍ وحد امعادي
والشوق كم فيه اهل الراي مختلفه
لكنه الشوق اللي يفت لكبادي
صاحبك لا تجعله ياذيك من صلفه
واجعل لنفسك حقوق ان كان متمادي
وخله يزيل العتب كله ولا يخفه
يكفيك منه الجفا وتنكيل لبعادي
في من توده تحذر تطلق الشفه
تاده بسرك ولا تلعنه بوكادي