مثلي مثل هالناس يامشابه الناس
لكن انا ويّاك صعب انتشابه
يمكن ملكت عيون ولسان واحساس
لكنّ تفضح قبلتينك دُعابه
لاتحسب ان النور يخفيه قرطاس
ولاتحسب ان الارض نتهي سحابه
ماجيت انافس واعطي الخلق مقياس
كلٍ يعرف اللي حواه ب كتابه
وحنا بزمان الفكر للعالم إلباس
احدٍ عليه شماغ واحدٍ بكابه
واحدٍ مفرّع بس مايطرحه ياس
واحدٍ عرف وشلون يلبس ثيابه
ياشارب اللي ما انتثر داخل الكاس
الصبح ياخذ من شعاعه شرابه
حبيت اطق لما حوا فكرك اجراس
واصافحك من غير يد وعصابه
واعلمك وشلون ماينحني راس
وان البشر ياااهي كثيرة غرابه
شوف البهيمه تولد بذيك الاطعاس
وتبقى بهيمه وان خذت مُلك غابه
والآدمي يولد وتحتاج درّاس
حتى يكمّل ما اخلقت به نصابه
وكلٍ على ساسه يبي يعمّره ساس
ينجب قتيل الليل صبح الكئابه
باستسمحك والحبر باوطان كراس
الفكر هو من صآفحك بالنيابه