بسم رب البيت غفّارٍ رحوم
ابتدي ابيات شعري بالسّلام
وادعي الله يمدني بقو العزوم
في مجارى حاكمٍ فارس همام
شاعر محنك تحدر من قروم
يعتني بالشعر ويوليه اهتمام
حاكمٍ يدرى العوايد والسلوم
في قلوب الشعب له كل احترام
فالأدب والشعر وأصناف العلوم
والقياده والرياده والسلام
عاشق الأول وتحطيم الرقوم
فالصداره ما يعرف الإنهزام
لو بنكتب فيه والله ما نروم
يعدم القرطاس واجف الأقلام
يوم جو الشيخ لاحت به غيوم
مالسّهر ما غضت عيونه ونام
ناهبنه راعي الكشح الهضوم
ناعم الملمس شرى ريش النعام
هو بحاله كوم والعالم بكوم
ميزه ربي بقدرٍ واحتشام
واجبٍ في شف حاكمنا نقوم
عالرعيه لازمٍ طاعه الإمام
واشترط عالوصل تفسير الحلوم
كان يبغي ملتقاهم عالدوام
لغزكم ياشيخ لو دونه عتوم
اتضح لي وبان لو دونه ظلام
ذاك ديك الحي لي دايم يهوم
لي يأذن للصلاه وللقيام
والعذر في آخر القول مختوم
يا اديب العصر يا وافي الذمام
دمت بو راشد لنا دايم ودوم
يالكريم ابن الكريم ابن الكرام