أنا تسّلى بالشعر لي توصّفت
وإلاّ فلا بالقول مهنة حياتي
ما قد سرقت البيت وألاّ تسلّفت
ما أقلّد الشّعار شعري مرآتي
أنظم ثلاث عقود واليوم ولّفت
مع أول الرّابع ثلاث خزراتي
ما أناظر اللي راح.. ما يوم وقّفت
عيني لباكر وش معه لي ابياتي
ولاني بقايلن ليتني ما تصرّفت
الحمد لله حافظن كل ذاتي
وش عادلوني في حياتي تكلّفت
يلعن ابو قلبن ترّيح وماتي
كنّي مع نجوم اللّيالي توظّفت
أساهر النّجمات حل المباتي
وأسبابه اللّي من عيونه تعرّفت
إني قتيله يوم شال الغطاتي
أنا أشهد إنّي في غرامه تطرّفت
وصلت حد الموت قصدي مناتى
من أولن في حب خلّى تلطّفت
واليوم أقول ألطف بحالي غناتى