تقول لو لبسوا العذارى فساتين
أنا قمرهم لو لبست البجامه
هذي قمرهم في نظرها لا هالحين
ولا شافت الي ميتآ في غرامه
يسوى جميع الخلق يسوى ملايين
يسوى جميع الي حوتهم شهامه
ماغيرها في وسط قلبي لي تبين
ولا غيرها من شتت القلب هامه
لو قلت من هي كل أبوكم لي ايعين
والكل يهتف لي فريد بكلامه
أمي وما غيرك هوتني من سنين
وأنا أشهد أنك وسط قلبي علامه
أمي حلا العينين دم الشرايين
والقلب لك يانبض قلبي سلامه
أمي وتسوى من حلاكم ملايين
تسوى هل الفستان وأهل البجامه