الليل يا مجمع لمحان
كلشي يتجمع فيك يتساوى
السهران والحمى ولحزان
والعليل لي ما لقي باش يتداوا
ما مجمع لسرار
يا لدهم بلون لهم ولغيار
يا غريب الاطوار
تلم لي ما يتلم ولي يتجرع لمرار
شحال فامرك محتار
تستر لي يتعبد ولي يسرق لسرار
الليل يا لايح لغبار
على بيت لعاشقين ولي قايدة فيه النار
يا مخبي لخبار
لشحال من مصايب يطلع عليها النهار
شحال فيك من شاعر فيقتو لشعار
وشحال من فنان طيرت نعاسو لوتار
يا ويح من لالو صاحب ولا جار
نهار يلقى راسو وحداني تلعب بيه لقدار