ما جيت لك غصب جيتك طيب ومروّه
تدري و أنا أدري وش اللي جابني صوبك
ما من غصيبه و لا به شي بالقوّه
إقعد لحالك هناك و عدّد ذنوبك
ما عاد تفرق معي و اللي تبي سوّه
لا صرت عاري وفا ما يسترك ثوبك
ما كل برقٍ يهل الخير من نوّه
و لا كل شي يجيلك حسب مطلوبك
خابرك يا صاحبي بلاك من جوّه
مشكلتك الخوف و الهوجاس عذروبك
العشرة اللي جبرتني فيك و الخوّه
و الخطوة اللي تسوق الرجل لدروبك
جوفي له أيام عقبك طافيٍ ضوّه
يا مشعل النار فلْ حجاج محبوبك
إلا الغلا ما يجي بالغصب و القوّه
شف الغلا كيف أعمى بعيني عيوبك