ياحظي الطايح ألا ليتك تقوم
تعبت اسلّي هالخفوق بامانيه
إليا متى والعين تشتاق للنوم
وإليا متى والليل يكره اغانيه
صارت حياتي مثل رجال مسموم
لامات ولا راح المرض عن معانيه
يعني كذا طايح ولايعرف الحوم
والهم مستوفي بصدره مبانيه
ياالحظ يالك في مدى الضيقه علوم
ويالي سنين الوضع هذا اعانيه
غير التعب والضيق هالقلب مهموم
وشلووون مثلي يستقر بموانيه
باقول بيتٍ قلته العام للقوم
لانه علي راكب ولو كنت شانيه
الغادي اللي مالقى بالسما نجوم
قلّه يخبي دمعته في محانيه