وتميت أشوف الماء
لين ارتوت عيني
واْنا جالسٍ. ف الجمر
أتصفح الماضي
تغدي بي الذكرى
والجمر هوَّ الجمر
سافرت أتذكر
أتذكر الميلاد
والبيت والشارع
وأطفال وادينا
وناقة أبوبه تْعيب
تورد هنا فِالعِد
من نفس ذاك العد تورد واْنا أورد!!
ويغرّد الشايب
وحنا وراه نْصيح
انغرّد الضحكات
ما نفهم الآهات
ويغرَد الشايب
وتظلل الغافات
وانا اتبع الظلّة
ظلّه ورا ظلّه
يا لين تحمى الشمس
ويصيح صوت بْعيد
وين الجمل.؟؟ يا سعيد:
ويفزع هل الوادي
ونركض ورا سمحان
وطنافنا جابه
نفرح فرح واحد
يوم الجمل عوَد
واْنا ورا الجدران
أكتب على الجدران
بعض وفتات أشعار
أصيل وادينا
رحلة مع الذكرى
كاااااااانت ف وادينا
واليوم وادينا
صفصف مدينة صيف
لو صاح عاقلهم ما نسمع صْياحه
ما نسمع التّغرود
أو حنّة الحشوان
ما نسمع الشايب
غير الصخبْ والصوتْ
ومنازع الجيرانْ
فرقة بمدينة صيف
راحت ظليل الغاف
كانت تجمّعنا
مسكين يالوادي
مشتاق للماضي
مثلي أنا مشتاق
وتمْيت أشوف الماء
أقرأ بصفحاته
لين أدمعت عيني
والجمر هوَّ الجمر